اسعار التذاكر فى سفاري بارك المهندسين - حديقة الجيزة والمواعيد بالصور
انهارده كانت رحلتي فى سفاري بارك او حديقة الجيزة الموجود فى اخر شارع احمد عرابي
لما سألت عن سفاري بارك - حديقة الجيزة فى المهندسين عرفت انها فتحت فى عام 2013
كيفية الوصول : علشان توصل لسفاري بارك المهندسين طريقها سهل جدا
اولا : ممكن من على الطريق الدائري لو انت جاي من المعادي تفضل ماشي لحد ما تعدي نزلة المحور بعديها تنزل اول نزلة على اليمين بعد المحور
ثانيا : ممكن تمشي لحد اخر شارع احمد عرابي فى المهندسين تطلع الكوبري اول ما تنزل من الكوبري حتلاقي الحديقة على شمالك على طول
- على فكرة : الحديقة اتعملت فى مكان مطار امبابة
تنبية : الحديقة فى منطقة شعبية جدا
يلا نبدا رحلتنا فى سفاري بارك المهندسين - حديقة الجيزة الجديدة
ده المدخل لقطع التذاكر فى سفاري بارك المهندسين
سعر الباركينج ب 10 جنية للعربية ، بتدفعهم وانت داخل البارك
سعر التذاكر فى سفاري بارك المهندسين 10 جنية للفرد
