اسباب رفض فيزا بريطانيا ( انجلترا ) من مصر
خدت Refuse
![New :custom4:](./images/smilies/1j7m5.gif)
![New :custom4:](./images/smilies/1j7m5.gif)
![صورة](http://rahalat.net/upload/2023_schengen-visa-document.jpg)
اول حاجة عاوز اقولك عليها انك لما تاخد رفض فى فيزا بريطانيا ( انجلترا ) ان ده مش نهاية العالم ،، ايا كان وضع حضرتك المادي والاجتماعي ،، عادي جدا جدا جدا ، ،، ياما ممثلين ومذيعين ومشاهير بياخدوا رفض لاسباب كتير
خلينا بس نتكلم عن حاجة ان الورقة المبعوتة مع جواز السفر لا تمت بالحقيقة شىء ،، هو لازم يكتبلك شوية قوانين وحبشتكنات علشان يحلل ويبرر الرفض اللى اداه لحضرتك ، وفى اسرار همة اصلا مش حيقولوها للناس عموما
منها مثلا ان بعض السفارات بتبص على حساب الفيس بوك بتاعك او توتير !!!
خلينا بس نتكلم عن سبب رئيسي غير معلن من سفارة انجلترا فى مصر عن رفضها الكتير من التاشيرات
السبب هو انهم بيتصلوا بالشغل بتاع حضرتك وبيسالوا عنك انت موجود ولا مش موجود
فلو لا قدر الله
الشركة عند حضرتك مردتش علي التليفون
او كان رقم تليفون الشغل غلط
او قالوا انهم ميعرفكش
خلاص خدت رفض وحيبعتولك ورقة تاليف فيها كلام كتير.... فيها اي كلام فى اى حاجة
فالحذر كل الحذر من اعطاء بيانات عن تليفون الشغل وتكون غلط او محدش يرد
صحيح كنت عاوز ابلغك انهم مش حيقولوا انهم سفارة انجلترا ،، غالبا حيقولوا انهم من بنك وبيستعلموا عن فلان الفلان ....الخ
لو انت جالك رفض وادولك جواب فى هري كتير ارمية علشان مش حتستفاد منوا فى حاجة
![New :custom7:](./images/smilies/1qd86.gif)
![New :custom7:](./images/smilies/1qd86.gif)