افضل واحسن مطعم قريب من الحرم المكي
طبعا ناس كتير بتسال عن افضل مطعم قريب من الحرم المكي ، للعلم مطاعم اللى حوالين الحرم كتير لكن انا فى نظري ان دون المستوي نهائيا ، ولكن ده طبيعي لان الجهد بعد اداء العمرة والمشي الكتير حيخليك فى بعض الاحيان جعان ،، من خلال خبرتي طبعا الموضوع حيختلف بالنسبة للجنسية يعني المصريين بيحبوا اكل معين والسعوديين اكل معين والاماراتيين ليهم اكل معين
لكن فى نظري افضل مطعم على الاطلاق فى مكة قريب من الحرم هو مطعم الشرفة الموجود فى فندق المروة ريحان من روتانا الموجود فى برج الساعة
كيفية الوصول : تدخل برج الساعة ( ابراج البيت ) وقف الملك عبدالعزيز
بعدين تدخل على الطابق P11 من خلال المصعد بعدين توصل للفندق المروة ريحان من روتانا
مميزات المطعم : احلي ما يميز مطعم الشرفة الموجود فى برج الساعة ان المطعم مطل على الكعبة مباشرة ، يعني وانت جالس بتتفرج على جمال الكعبة من اعلي شىء خرافي حيعجبك جدا
برج الساعة الموجود فية المطعم - المطل على الحرم
![صورة](http://rahalat.net/upload/805_20161207_183708.jpg)
مواعيد المطعم : المطعم طبعا بوفية مفتوح وهو فى العشاء يبدا من الساعة 7.30 حتي 11.30 مساء
وفى الغدا من 1 ظهرا حتي 3.30 عصرا
سعر الفرد : طبعا الفرد تكلفتة 160 ريال سعودي للشخص الواحد
نظام المطعم : بوفية مفتوح وفية كل الاكلات - وكل يوم متغير عن اليوم اللى قبلة
المنظر من مطعم الشرفة المطل على الحرم المكي
![صورة](http://rahalat.net/upload/804_20161206_194615.jpg)