تقرير زيارتي الي تلفريك بورتو السخنة مواعيد واسعار بالصور
لو انت رايح بورتو السخنة او معدي حتي علي بورتو السخنة لازم تزور التليفريك الموجود فى بورتو السخنة
التليفريك بيوديك الي اعلي قمة الجبل فى السخنة وبتشوف منظر ولا اروع من كدة
لو انت ساكن فى بورتو السخنة حتروح من داخل الابراج عند برج خفرع بالظبط
اما لو انت جاي من برة وجاي فقط زيارة التليفريك فتروح بعربيتك لحد الجراج الخاص بالتليفريك وتركن عربيتك بكل سهولة لحد التليفريك وانت راجع تاخدها تاني
شوية معلومات جميلة عن التليفريك فى بورتو السخنة
اسعار الدخول فى بورتو السخنة
الفرد ب 75 جنية ذهاب وعودة
اسعار الاطفال فى بورتو السخنة : حتي 12 سنة ب 40 جنية
الاقل من 2 سنة مجانا
مواعيد العمل فى بورتو السخنة
تبدا مواعيد العمل فى بورتو السخنة من الساعة 1 ظهرا حتي 6 مساءا
نيجي بقي على المشروع نفسة
عدد العربات جوة البورتو السخنة 11 عربية
اقصي حمولة لكل عربية 8 افراد بواقع 650 كيلو متر مربع - وعادة بيكون فى واحد من الادارة بيركبكوا العربية
ارتفاع المحطة العلوية تقريبا 230 متر مربع
ارتفاع محطة البداية 25 متر
المسافة اللى حضرتك بتقطعها فى التليفريك هي تقريبا 1 كيلومتر
طب نهاية التليفريك بيوديك فين ؟؟؟
لما توصل حتلاقي اولا بورتو مول
حتلاقي فندق بورتو الجبل وده منظر غرفة المطلة على البورتو ولا اجمل من كدة
حتلاقي اجمل مطعم شوفته فى حياتي اسمة مطعم حلقة السمك واطلالة ولا اروع على بورتو السخنة
كمان اكل المطعم روعة جدا
حسيبكم بقي مع شوية صور للتليفريك فى بورتو السخنة
دى صورة الجراج فى بورتو السخنة علشان تركن عربيتك
ودى صورة لبوابة الدخول الي التليفريك فى بورتو السخنة
فى كافية اسمة صهلله موجود علي مدخل بوابة التليفريك ، مدخلتوش صراحة بس اسعارة حلوة ومناسبة
ودى صورة كافية صهلله فى بورتو السخنة
ده مدخل كافية صهلله فى بورتو السخنة
يلا بقي ، دى بوابة التليفريك
معلومات عن التليفريك فى بورتو السخنة
فى الصورة دى اسعار التذاكر ومواعيد بورتو السخنة
فى اللوحة دى ارشادات الدخول والاستعمال للتليفريك فى بورتو السخنة
نخش بقي اول ما تدخل التليفريك بتركب العربية اللى بتمشي ببطئك وبتقل اوتوماتك
يلا بينا
واحنا طالعين بالتليفريك الي اعلي قمة الجبل
دى شوية صور اثناء الطلوع الي اعلي قمة الجبل
