زيارتي الي فندق لازيب الفيوم - قرية تونس - Lazib inn hotel Fayoum بالصور والاسعار
طبعا الفندق 5 نجوم موجود فى قرية تونس فى محافظة الفيوم
فندق لازيب مطل على بحيرة قارون فى منظر هو الاروع
فندق لازيب فندق بوتيك صغير يتكون من 8 اجنحة فقط
من افضل الفنادق البوتيك اللى شوفتها فى مصر لحد دلوقتي
يلا نبدا رحلتنا بالصور
اول ما دخلنا على يمين الفندق فى باركينج مجاني وعليه حراسة
ركنت عربيتي وجه واحد من عندهم خد الشنط بتاعتي ورحنا ناخد المفاتيح
ده الاخ اللى ساعدنا فى الشنط الي الغرف جزاه الله خير
المنظر ده اول ما تخش فندق لازيب حتلاقي على يمينك ديكور فرن بلدي
النفق ده فكرتة جميلة جدا وانت داخل على الفندق وبليل بينور وبيكون جميل جدا
دى غرفة الرسبشن وهو مكتب واحد بتاخد منوا المفاتيح بتاعت الغرفة
طبعا احنا سكنا فى جناح رقم 9 ومن رايي هو افضل جناح موجود فى الفندق
فى طريقنا للجناح
صور للاجنحة الاخري فى الفندق
ده مطعم الحمار الازرق ، وهو المطعم الرئيسي للفندق وفية شيش لو انتوا عاوزين
نخش بقي على المناظر الطبيعية الموجودة فى الفندق
ده المطعم من الجهه الاخري
دى منطقة الاوت دور للمطعم ، قعده جميلة بدون صوت عربيات ولا دوشة خالص
ده بقي السلم اللى بيطلع علي الجناح رقم 9 الخاص بينا
اجمل حاجه فى الجناح ده انك لما بتطلع السلم بتلاقي على يمينك غرفة لعب بلياردوا وللعب التنشين بالاسهم ، ودى حاجه جميلة خالص صراحة انك تطلع من الجناح على غرفة لعب البلياردوا يعني مش محتاج تنزل من اساسه
دى منطقة الجلوس فى غرفة البلياردو
من هنا بقي نبقي صور الجناح ، دى الصالة الخاصة بالجناح طبعا فى دفاية تعمل بالخشب لو الجو برد ، ممكن تتصل بيهم لو بردان همه ييجوا يشغلوهالك
بس انا مرضتش علشان ريحة الخشب المحروق حتطلع عليا فى الغرفة فبصراحة مجربتهاش ، شغلت المكيف على السخن وخلاص
دى بقي صور الصالة المطلة على الجنينة وحمام السباحة وبحيرة قارون
ده بقي الدولاب بتاع الملابس معمول من ابواب قديمة تحس انك داخل على بيت قديم وهو فى الاخر الدولاب فكرة جديدة وحلوة
دى التواليت فى الحمام
ده بقي الجاكوزي الجميل جدا فى الحمام واللى بيخليك تسترخي اثناء الاقامة فى الفندق
ده حوض الغسيل وفي استشوار
ده بقي السرير بتاعهم الاكثر من رائع ، طبعا السرير مبني يعني ثابت ومتين مش متحرك ، كمان المخدات والمرتبة بتاعهم حتستمتع فيها جدا لانها فيها كمية راحة مش طبيعية
دى البلكونة
ده بقي المنظر المطل على بحيرة قارون والجناين اللى فى قرية تونس والفندق
ده بقي السقف بتاع الغرفة صراحة قمة فى الابداع ، انت هنا مش محتاج ساعة علشان تعرف انت الصبح ولا بليل ، لو لاقيت القزاز اللى فى السقف ده نور اعرف ان النهار طلع ، شكلة الديكورى جميل جدا
دى كمية ريموتات كتير والتليفزيون بتاعهم فيه دش كامل مش زي الفنادق التانية قنوات معينة وخلاص ، التليفزيون بتاعهم كمان فى ثري دي وحتلاقي النضارة موجودة فى الفندق
دى الخزنة بتاعت الدولاب لو عندك حاجات ثمينة او فلوس او موبايل
التواليت فية شطاف عادي
غرفة الشاور فى الحمام
منظر مطل على الجنينة من البلكونة
باب الغرفة
فى طريقنا على اسفل
المطعم الرئيسي للفندق ليلا
لما رجعت الغرفة لاقيتهم حطين طبق فواكة جميل جدا
كاتل الشاى عندهم صحي جدا مصنوع من السيراميك ، مش بلاستك المضر
ده الكوبري المؤدي الي الغرفة فى الفندق
نخش بقي على الفطار الصباح ، ودى صورة المطعم فى انتظار الافطار
الصورة دى مش بالمقلوب دى صورة حمار متعلق فى السقف مش عارف همه معزبينة لية
نيجي بقي على الفطار اللي يجنن ، اروع فطار شرقي شوفتة فى حياتي ، اول مرة مطعم يجبلي قدرة فول اكب منها
فطير يجنن ، عسل ، مش ، طحينة ، بيض مسلوق ،،، حاجة من الخيال حقيقة
نخش بقي على الفول
الفندق من اول ما تخش لحد لما تخرج حتلاقي اهتمام غير عادي من العاملين فى الفندق بيك ،مش كدة وبس وانت
خارج تركب عربيتك ، بيديلك قزازتين 
مية و علبة موز مقلي ، صراحة انصح بهذا الفندق جدا
مية و علبة موز مقلي ، صراحة انصح بهذا الفندق جدا