مطعم الحمار الازرق فى قرية تونس بالفيوم blue donkey restaurant
اليوم كانت زيارتي لمطعم الحمار الازرق ومش عارف همه سموا المطعم ده بالاسم ده لية
المطعم من اغلي المطاعم اللى شوفتها فى حياتي
فجايز همه مسمين المطعم علشان اللى حيخش ويدفع فلوس فية حيبقي حمار ازرق
الله اعلم
ههههههههههههههه
بس بالامانة المطعم من افخم وافضل المطاعم واكثر نضافة ورقي فى التعامل من اى مطعم تاني ممكن تشوفة ، كمان المطعم عندهم حاجات قمة فى الروعة
يلا نبدا تقريرنا بالصور الاول
نيجي بقي على الافطار اللى فطرت فية ، همه عندهم فطار شرقي وواحد تاني كونتنتال وده ملناش دعوة بية
الفطار بيتكون من فول ، والفول بتاعهم روعة جدا وطريقة التقديم بيحطلك الفول فى قدرة صغيرة وانت تاخد منها
الطعمية بتاعتهم تعتبر انضف واجمل طعمية اكلتها فى حياتي
البيت بيكون مسلوق وبعد ما يتسلق بيتقلي فى الطاسة ، حاجه جميلة جدا وطعم لذيذ
نيجي بقي على العسل الاسود والفطير بتاعهم مستحيل انك تنساه
المش بتاعهم معجبنيش ومش قد كدة صراحة
ودى صور الفطار بتاع مطعم الحمار الازرق فى قرية تونس الفيوم
طبق الفول بعد ما نزلتة من القدر وطبعا فول صابح وفريش ونضيف جدا
نخش بقي على المينو الاسعار فيها خرافية جدا جدا جدا
اتمني يكون تقريري عجبكم انهارده فى مطعم الحمار الازرق فى الفيوم