واحة عمر الكيلو 111 طريق الاسكندرية القاهرة الصحراوي - احلي فطير مشلتت
مرسل: الجمعة يناير 13, 2017 3:06 pm
طبعا اذا كنت جاي من الاسكندرية على القاهرة فاحلي مطعم تاكل فية هو واحة عمر فى طريق
مصر الاسكندرية الصحراوي 
ده اللوكيشن بتاعهم لو انت رايح بعربيتك
موقعها : موقع واحة عمر فى الكيلو 111 طريق الاسكندرية الي القاهرة ، وطبعا هى بعد افريكا سفاري بارك فى الطريق من الاسكندرية الي القاهرة
ميزة المكان : انوا فية بنزينة تمون فيها وبعدين حتلاقي واحة عمر اللي الاكل فيها تحفة وخصوصا الفطير المشلتت اللى بتشتهر بية المطعم
العيال اللى بتغسل العربية برة ، عيال جدعان ولاد بلد خليهم يغسلك العربية واتفق معاه قبل ما يسغلهالك وهمة تعاملهم حلو جدا ومبتسمين على طول
نيجي للمنيو بتاعهم ، انا صراحة مروحتش عندهم غير مرتين ونفسي اروح ميت مرة علشان ادوق كل الاكل اللى عندهم ، بس لو انت رايح اول مرة عندهم اطلب ربع فطيرة ومش وعسول اسود وادعيلي يا معلم
وعلى فكرة ممكن تاخد منهم تيك اواي ، احلي حاجة فى المكان ان خدمتهم سريعة
الاجمل ان المكان شغال 24 ساعة ، يعني فى اى وقت حتروح حتاكل حتاكل يا معلم
ودى صور الفطير المشلتت اللي طلبناه فى واحة عمر طريق مصر الاسكندرية الصحراوي -- بالهنا والشفا
وده بعد ما خلصنا على الفطير هههههههه - اتمني لكم رحلة سعيدة فى زيارتكم لواحة عمر
