[right]رحلتنا انهارده ان شاء الله حتكون الى اسواق ميدان التعبة الخضراء الشهيرة وهو يعتبر من اكبر مناطق التسوق فى القاهرة على الاطلاق ،،، كمان السوق ده بيشتهر باسعارة الرخيصة وكمان كل الاسواق فيه اسواق متخصصة يعنى فى اسواق مخصصة لاجهزة الموبايل واسواق خاصة بمحلات الملابس الخ ..
طيب نيجى قبل ما نشرح رحلتنا انهارده الى اسواق العتبة نشوف ميدان التعبة فى كتاب موسوعة القاهرة فى الف عام بيقول عن ميدان العتبة ايه .
ميدان العتبة الخضراء : يعتبر ميدان العتبة الخضراء ملتقى شوارع عبدالعزيز وشارع القلعة ( محمد على سابقا ) وشارع الازهر وشارع الجيش وشارع الازبكية وشارع الاوبرا وشارع صندوق الدين .
اول ما توصل ميدان العتبة فى كذة وسيلة انك توصل بيها الميدان اول حاجه عن طريق مترو الانفاق حتنزل محطة العتبة ثانيا عن طريق اتوبيسات هيئة النقل العام تركب اى حاجه رايحة العتبة ،، اما بالنسبة لاصحاب العربيات الملاكى فممكن تركن فى جراج الاوبرا الشهير ،،
وادى صورة جراج الاوبرا اللى جنب مسرح الجمهورية فى العتبة ، والجراج ده فيه محطة الاتوبيسات الرئيسية بالعتبة
[center]
[/center]نكمل رحلتنا بقى الى سوق العتبة الرئيسى ، وهو سوق الملابس واللى موجود فى ميدان العتبة طبعا حتلاقى باعة ومحلات ملابس لكل الاعمار ولكل الاذواق وباسعار رخيصة جدا ،، ولعلمكوا كل السياح من السودان حتلاقوهم بيحبوا سوق العتبة جدا وادى صورة لسوق الملابس بالعتبة [center]
[right]صورة اخرى لسوق الملابس بالعتبة
[center]
[right]خد بالك بس وانت بتشترى لحسن البلدية تيجى تاخد الواد اللى انت بتشترى منة فى الشارع هههههه
بعد كده السوق الرئيسي التانى فى ميدان العتبة هو سوق شارع عبدالعزيز ،،، طبعا السوق ده زمان كان فى بدايتة اسوق للاجهزة الالكترونية فقط لكن دلوقتى تحول هذا السوق الى سوق لاجهزة الموبايل فقط ،،، لكن فى اخر السوق سوف تجد بعض المحلات المتخصصة فى بيع الاجهزة الكهربائية المنزلية ،،
، ودى صورة لشارع عبدالعزيز المتخصص فى بيع اجهزة الموبايل
[center]
[right]ودى اخر صورة عندى انهارده لميدان العتبة وهى للمبنى الحكومى الكبير فى ميدان العتبة وهو مصلحة البريد وقسم الموسكى والمطافى
[center]
[right]بس كده انتهى التقرير ،،،، واشوفكم فى رحلة اخرى ان شاء الله وشكرا
[/right][/center][/right][/center][/right][/center][/right][/center][/right][/center]