زيارتي لمطعم فتة فى المعادي ...26 نوع فته مش حتنساهم 
بتحب الفتة؟ كلت كام نوع فتة قبل كدة؟
فتة لحمة، فتة شاورما، فتة كوارع، لو دي كل معلوماتك عن الفتة يبقى انصحك تزور "فتة" بيقدم ٢٦ نوع فتة فيه كل ما لذ و طاب و اختار و احتار من المنيو اللي فيها افكار جديدة و الميزة انك تقدر تاكل كل انواع الفتة من نفس المكان و كمان عشان متخصصين في الفتة فا كل حاجة بتكمل الطعم زي البتنجان المخلل و الفتوش معمول حسابها
المفاجأة كانت الملوخية WOW اجمد ملوخية بمعنى انها فعلا طعم استثنائي لاول مرة الاقي حد يتفوق على ناس مشهورين بالمولوخية دا غير إن طريقة تقديمها تفتح نفسك، مبدأيا هي Showw الشيف بيعمل الطشة قصادك و ريحة الطشة الجميلة تملا المكان بعدها بيصبلك الملوخية في طاجن فخار شيك جدا و الف هنا و شفا.
كمان من الاطباق اللي عرفت انها مميزة جدا هناك بس لسة مجربتهاش ورق العنب بالكوارع و شوربة السي فود.
المطعم شيك جدا و تحس انك في gallery و يخليك تعيش جو الخمسينات و الستينات مع المزيكا و الديكورات، المطعم عبارة عن ٣ ترابيزات indoor و واحدة outdoorr و دا لان المطعم بشكل كبير بيعتمد على ال Takeaway و ال delivery في المعادي و زهراء المعادي و عاملين فكرة حلوة جدا، ان العلبة اللي بتيجي فيها الفتة ممكن تحطها في الميكرويف و تاكل الفتة مولعة.
من مزايا الفتة عند "فتة" إن الكونات كلها بلدي فا تقدر تاكل و انت مطمن و لو عايز تقدر تبدل الرز ب فريك، حتى العيش بلدي و طازة و الكمية ممتازة.
المنيو و الاسعار في الصور
العنوان: المعادي، ميدان الجزائر، عند صيدلية العزبي و تحت الخباز The bekary
مفيش فيزا، الدفع كاش بس حاليا
دى صفحتهم على الفيس بوك- مطعم فتة فى المعادي
موقعهم فى جوجل ماب لو انت رايح بعربيتك ومش عارف المطعم فين
[center]ارقامهم :
01115701115
0225199610
المواعيد:
من ١٢ الظهر ل ١٢٢ بالليل
وهنا بقي صور مطعم فتة فى المعادي
المنيو الخاص بمطعم فتة فى المعادي - فية كل الفتات اللى ممكن تتخيلها
مطعم فتة فى المعادي - صورة من خارج المطعم
شكل الديكور من الداخل فى مطعم فتة حاجه روعة جدا
ودي صور الاكل فى مطعم فتة فى المعادي
فتة باللحمة فى مطعم فتة بالمعادي
الملوخية فى مطعم فى المعادي حاجه ولا الخيال
اتمني تكونوا استمعتوا بالتقرير عن زيارة مطعم فتة فى المعادي
[/center]